MWANAFUNZI AMEFARIKI AKIWA NA UCHUNGU MKUBWA MOYONI ...KAULI YAKE HII HAPA ‘NINASUBIRI MUNGU AICHUKUE ROHO YANGU’

Marehemu Anne aliyefariki akiwa na umri wa miaka 17 enzi za uhai wake.

MIBURO Anne, msichana mwenye umri wa miaka 17 aliripotiwa katika gazeti hili Mei 27, mwaka huu ikiwa na kichwa cha habari ‘NINASUBIRI  MUNGU AICHUKUE ROHO YANGU’, amefariki dunia wiki iliyopita akiwa njiani kurejea nyumbani kwao, nchini Burundi.


Mwanafunzi huyo ambaye alikuwa akisumbuliwa na uvimbe mwilini, alikuwa amelazwa katika Hospitali ya Taifa ya Muhimbili ambako ugonjwa wake ulishindwa kutibika.

Marehemu Anne akiwa na uvimbe uliosababisha kifo chake.

Kwa mujibu wa taarifa zilizopo, mwanafunzi huyo alianza kuumwa tokea akiwa kidato cha pili, hali iliyomlazimu kuacha kwenda shule ili kufuatilia matibabu, ambayo yalimfikisha katika Hospitali ya Taifa Muhimbili.

Kaka wa marehemu aliyetambuliwa kwa jina moja la Albert alisema mdogo wake alipoteza maisha wakiwa mpakani mwa nchi hizi mbili na kwamba alimhangaikia sana ili aweze kupona licha ya uwezo wake mdogo kifedha