MAADHIMISHO YA MAUAJI YA KUTISHA .....UFARANSA YAJUMUIKA.....

Ufaransa imesema kuwa haitoshiriki maadhimisho ya kumbukumbu za mauaji ya kimbari ya Rwanda baada ya Rais Paul Kagame wa nchi hiyo kuituhumu Paris kuwa ilihusika moja kwa moja katika mauaji hayo.

 

 Romain Nadal msemaji wa Wizara ya Mambo ya Nje wa Ufaransa amesema kwamba, Waziri wa Sheria

wa nchi hiyo Christiane Taubira aliyetarajiwa kuelekea Rwanda kesho Jumatatu hatoshiriki hafla hizo zitakazofanyika mji mkuu Kigali. Aidha Nadal amesema Ufaransa inashangazwa na madai hayo na kwamba matamshi yaliyotolewa na Kagame yanakinzana na jitihada za maridhiano ambazo zimekuwa zikifanyika kwa miaka kadhaa kati ya nchi hizo mbili.

Kwenye mahojiano aliyofanyiwa na gazeti la kila wiki la Jeune Afrique linalochapishwa mjini Paris, Rais wa Rwanda alisema kuwa, Ufaransa ilishirikiana bega kwa bega na watenda jinai wa mauaji ya halaiki nchini Rwanda.  Kwa mujibu wa takwimu za Umoja wa Mataifa, watu wasiopungua laki nane waliuawa kwenye mauaji hayo ya mwaka 1994.