Bandari ya Libya yakombolewa kutoka kwa IS

Image captionSirte

Vikosi vya Libya vinavyoegemea serikali ya muungano mjini Tripoli vinasema kuwa vimeichukua bandari ya mji wa sirte, kufuatia makabiliano makali baina yao na wapiganaji wa Islamic state.

Msemaji wa kikosi hicho jenerali Muhammad al-Ghusri anasema viongozi wakuu wa Islamic State wametorokea jangwani, akiongeza kuwa wapiganaji wengi wa Islamic State wamezingirwa mjini Sirte na kuwa makabiliano yanaendelea.

Image copyrightREUTERS

Image captionWanajeshi wanaounga mkono serikal ya Umoja wa Matifa nchini Libya waingia Sirte

Vita vya kuukomboa mji wa Sirte kutoka kwa wapiganaji hao ikiwa ndio ngome yao muhimu nje ya Iraq na Syria vilianza mwezi uliopita.

Vikosi hivyo vinavyounga mkono serikali inayoungwa mkono na Umoja wa Mataifa mjini Tripoli vilianza harakati za kuukomboa mji huo mwezi uliopita.

Mbatia asema jambo kuhusu Naibu Spika Dr. Tulia Akson

 "Nina miaka 25 niko kwenye siasa.Wakati tunapambana kwa ajili ya Watanzania miaka hiyo yote hatukuwahi kuwa na posho.Kipindi hicho kina Tulia walikuwa shule ya msingi" Source: Mh Mbati  James

HILI NI TAMKO LA AL-SHABAB

Image copyrightAP

Image captionwapiganajia wa kundi la Kigaidi la al-Shabab

Kundi la wanamgambo nchini Somalia, al-Shabab, wanasema wamewaua watu watatu kwa kuwapiga risasi na kumchinja shingo mwingine, baada ya kupatikana na hatia ya kuwa majasusi wa mashirika ya ujasusi ya Kenya na Marekani.

Mauaji hayo yalitekelezwa mbele ya umati wa watu katika mkoa wa Bakool.

Image copyright

Image captionAhmed Godan

Kulingana na taarifa ya radio ya al-Shabaab, mwanamume mmoja aliyeuawa ni Mohamed Aden Nur, ambaye anashutumiwa kuwa aliwasaidia Wamarekani kumuua kiongozi wa kundi hilo Ahmed Godane.

Mwingine aliyepigwa risasi anadaiwa kuwa alisaidia Wamarekani kumuua Adnan Garaar, anayeaminika kuongoza shambulio la kigaidi katika duka la Westgate nchini Kenya mwaka wa 2013

MAOMBOLEZO YA MSIBA WA BONDIA ALI YASHIKA KASI...

Image copyrightBill Clinton

Ibada ya ukumbusho iliojawa na mihemko ya aina yake kwa bondia Mohammed Ali imefanyika katika mji alikozaliwa wa Louisville, Kentucky.

Image copyrightGETTY

Image captionBaadhi ya mabondia na muigizaji Will Smith waliohudhuria hafla hiyo.

Umati watu 14000 ulisikiliza kwa makini watu wa tabaka na dini tofauti wakimuomboleza mohammed ali kutokana na umahiri wake katika ulingo wa michezo na pia alivyoitunza jamii, huku wakisifu mchango wake katika kuimarisha amani duniani na haki za binadam.

Image copyrightAP

Image captionUmati wa watu waliohudhuria hafla ya kumbukumbu hiyo

Mkewe Ali, Lonnie Ali, anasema mumewe alikabiliwa na masaibu si haba, bila kuonyesha hasira, na kuwataka watu kufuata mfano wake.

Image copyrightREUTERS

Image captionMkewe Muhammad Ali

Katika taarifa, rais wa Marekani Barrack Obama, alimtaja Ali kama mtu shupavu, aliyeng'aa na aliyekuwa na ushawishi mkubwa kuliko mtu yeyote wa kizazi chake.

Image copyrightREUTERS

Image captionMsafara wa mwili wa Muhammad Ali kabla ya kuzikwa nyumbani Louisvile Kentucky siku ya Ijumaa

Rais wa zamani Bill Clinton, alikumbuka utanashati, ucheshi na utu aliooonyesha marehemu Ali, wakati akikabiliana na machungu ya ugonjwa uliomdhoofisha.